आइएमई लाइफ इन्स्योरेन्सले पायो केयर–एनपी ट्रिपल बि प्लस रेटिङ

आइएमई लाइफ इन्स्योरेन्सले ‘केयर–एनपी ट्रिपल बि प्लस’ रेटिङ पाएको छ।

रेटिङ एजेन्सी केयर नेपालका अनुसार उक्त रेटिङले समयमा नै वित्तीय दायित्व पुरा गर्न सक्षम रहेको मध्यम स्तरको सुरक्षित कम्पनी जनाउँदछ। कम्पनीले आफ्ना लगानीकर्ताहरु तथा सम्पूर्ण हितकारीहरुको सुरक्षाको निम्ति आफ्ना जोखिमहरुलाई न्युनीकरण गर्दै लगेको समेत यस रेटिङले थप पुष्टि गर्छ।

रेटिङ एजेन्सी केयर नेपालले कम्पनीलाई अघिल्लो वर्ष ‘केयर–एनपी ट्रिपल बि’ रेटिङ गरेको थियो।आर्थिक वर्ष २०८०/०८१ को अवधिमा कम्पनीको वित्तीय अवस्था तथा कार्य सञ्चालनमा तुलनात्मक रुपमा दिगोपनको वृद्धिका साथै अन्डरराइटिङ कार्यसम्पादन र लगानीबाट आर्जित नाफाका कारण कम्पनीको रेटिङ परिमार्जन भएको छ।

कम्पनीले निरन्तर रुपमा बीमा क्षेत्रको औसत खुद मुनाफाको तुलनामा राम्रो वृद्धि दर हासिल गरिरहेको छ।रेटिङ एजेन्सीले आव २०८०/८१ मा हकप्रद तथा सार्वजनिक शेयर जारी गरे पश्चातको कम्पनीको नेटवर्थको वृद्धिलाई पनि मुल्यांकन गरेको छ, जसले गर्दा आव २०८०/८१ को अन्त्यमा लगानी आधारमा वृद्धि र वित्तीय स्वस्थतामा सुधार भएको छ। कम्पनीले नियमनकारी निकायले तोकेअनुसार आफ्नो चुक्तापूँजीलाई ५ अर्ब रुपैयाँ पुर्याएको छ ।

यस कम्पनीका प्रतिष्ठित संस्थापक शेयरधनीहरु, अनुभवी सञ्चालक समिति तथा व्यवस्थापन समूह, कम्पनीको सम्पत्तिको गुणस्तर, पर्याप्त पुनर्बीमाको व्यवस्था तथा फैलिदो शाखा सञ्जालमार्फत बढ्दो भौगोलिक पहुँच र पछिल्लो दुई आर्थिक वर्षदेखि नै मध्यम स्तरको सुरक्षित कम्पनी भएकै कारण रेटिङ एजेन्सीले परिमार्जित रेटिङ प्रदान गरेको हो।

आगामी दिनहरुमा पनि आफ्ना परिसूचकहरु अझ सशक्त गर्दै लैजाने कुरा कम्पनीले बताएको छ ।

सम्बन्धित सामाग्री

कोशीदेखि कर्णालीसम्म मेघगर्जनसहित वर्षा, सावधानी अपनाउन आग्रह

तिब्बतमा ‘मेगा ड्याम’ निर्माण सुरु, भारत र बङ्गलादेशका लाखौं मानिसमा गम्भीर प्रभाव पर्न सक्ने

जलविद्युत् आयोजनालाई इप्पानको आग्रह

बैंकिङ कसुर मुद्दाका फरार प्रतिवादी पक्राउ

अमेरिका द्वारा डब्लुएचओको नयाँ ‘महामारी नियम’ अस्वीकार

साथीहरूले मलाई सभापतिका रूपमा हेर्न चाहेका छन्