आइतबार, १० साउन २०७८

रेशमलाल चौधरीलाई प्रमाणपत्र नदिए राजपाले आन्दोलन गर्ने

समयपोष्ट २०७४ पुष ७ गते १०:१६

राष्ट्रिय जनता पार्टीका उपाध्यक्ष वृषेशचन्द्र लालले कैलालीको टिकापुर क्षेत्र नम्बर १ बाट निर्वाचन सांसद रेशमलाल चौधरीलाई तत्काल विजेताको प्रमाणपत्र प्रदान नगरे आन्दोलनमा उत्रिने चेतावनी दिएका छन् ।

Advertisement

शुक्रबार रिपोर्टर्स क्लब नेपालमा प्रचार–प्रसार समिति टिकापुर क्षेत्र नम्बर १ कैलालीले आयोजना गरेको पत्रकार सम्मेलनमा बोल्दै उपाध्यक्ष लालले यस्तो चेतावनी दिएका हुन ।

मंसिर २१ गते सम्पन्न भएको प्रदेश तथा प्रतिनिधि सभाको निवार्चनमा सांसद चौधरीले प्रत्यासीलाई करिब २१ हजार मतान्तरले हराउँदै विजयी भएको जानकारी दिँदै भने,‘रेशम चौधरीलाई निर्वाचन आयोगले अन्याय गर्दैछ, विभेदकारी व्यबहार गर्दैछ, हामी निर्वाचन आयोगलाई सचेत गराउन चाहन्छौँ, तत्काल रेशमको प्रमाणपत्र वारिसमार्फत प्रदान गरोस्, होईन भने निर्वाचन आयोगको निश्पक्षतामाथि प्रश्न उठ्नेछ, र आन्दोलन हुनेछ।’

Advertisement

उनले अघि थपे,‘रेशम चौधरीलाई फरार अभियूक्त आदी ईत्यादीले सम्बोधन गर्ने गरिएको छ, यसका बारेमा छानविन आयोगले सरकारलाई मधेशमा घटेका घट्नाको बारेमा छानविन गरेर प्रतिवेदन सरकारलाई बुझाईसकेको छ, त्यो प्रतिवेदन सरकारलाई सार्वजनिक गर्न समेत माँग गर्दछु।’

थारु भएकै कारण विजयी जुलुस समेत निकाल्न दिईएन

त्यस्तै नव निर्वाचित सांसद रेशमकी धर्मपत्नि रञ्जिता चौधरीले मतगणना स्थलमा प्रहरी प्रशासनले थारु समुदायमाथि अत्याधिक दमन गरेको स्मरण गदाउँदै भनिन्,‘२०७२ भाद्र ७ गतेको घटना नहुनुपर्ने थियो, भयो, त्यसमा हाम्रो समुदायले समेत दुःख प्रकट गरेको छ, त्यो घट्ना सरकारले नै गराएको हो, सत्य तथ्य छानविनको लागि अझैपनि आग्रह गर्दछु।’

उनले अघि थपिन्,‘२ वर्ष ७ महिना वितिसक्दा पनि त्यो ७ गते बाहेक ८ गते कफ्र्र्यूकाबीचमा थारु समुदायका घरहरु छानिछानि जलाउन दिईएको छ, त्यो हाम्रो समुदायमाथिको आक्रमण हो की होइन? म धेरै टाढा जान चाहान्न गत मंसिर २१ गते पछि हाम्रो विजयी घोषणा भएपछि मतगणना स्थल धनगढिमा हामीलाई प्रवेश गर्न दिईएन, जनमतको कदर गर्नुको साटो प्रशासन समेत हामीमाथि अन्याय गर्छ, हाम्रा घरहरु खानतलासी गर्छ, यो अन्याय होईन ?’

सुरक्षकर्मीबाट निर्वाचनको प्रचारप्रसारमा व्यापक दमन र पक्षपात भएको भन्दै रञ्जिताले थारु भएकै कारण विजयी जुलुस समेत निकाल्न नपाएकोमा दुःख व्यक्त गरिन् ।
कार्यक्रममा राम बहादुर बढायर, फागुराम चौधरी लगायतले रेशम चौधरीका वारिसमार्फत तत्काल प्रमाणपत्र प्रदान नगरिए आन्दोलन छेड्ने चेतावनि दिएका छन् ।

प्रतिक्रिया

सम्बन्धित सामाग्री