नवनिर्वाचित सांसदविरुद्ध सर्वोच्चमा कीर्ते जाहेरी दर्ता
समयपोष्ट
२०७४ पुष ५ गते १५:०७
पूर्व डिआइजी तथा नवनिर्वाचित प्रतिनिधिसभा क्षेत्र नम्बर १ का सांसद नवराज सिलवालविरुद्ध सर्वोच्च अदालतमा कीर्ते जाहेरी दर्ता भएको छ ।
उनीविरुद्ध सरकारको तर्फबाट आज अदालतमा कीर्ते जाहेरी दर्ता भएको हो । उनीमाथि आइजीपी नियुक्तिको विवादका क्रममा कार्यसम्पादन मूल्यांकन फाइल कीर्ते गरेको अभियोग छ ।
सरकारले जयबहादुर चन्दलाई आईजीपी नियुक्त गर्दा आफू सिनियर भएको दाबी सहित उनी सर्वोच्च पुगेका थिए ।
तर, उनले रिट निवेदनमा संलग्न गरेको कार्यसम्पादन मूल्यांकन कीर्ते भएको ठहर भएको थियो ।
प्रतिक्रिया