अफ्रिकाकी अश्वेत महिला बनिन् यस वर्षको मिस युनिभर्स (तस्विरसहित)

 

सन् २०१९ को मिस युनिभर्सको उपाधि जोजुबिनी तुन्जीले हात पारेकी छिन् ।

जर्जियाको एट्लान्टामा आइतबार टाइलर पेरी स्टुडियोमा आयोजित उक्त ब्युटी पेजेन्टमा पहिलो पटक अफ्रिकाकी अश्वेत महिलाले उपाधि हासिल गरेकी हुन् । उनी एक अभियन्ताको रुपमा सक्रिय छिन् र लैङ्गिक हिंसा अन्त्यका लागि विशेष रुपमा काम गरिरहेकी छिन् ।

मिस फिलिपिन्स र सन् २०१८ की मिस युनिभर्स क्याट्रियोना ग्रेले उनलाई ताज पहिराउँदा उनी केही भावुक पनि बनिन् ।

 

यो वर्षको ताजलाई ‘एकताको शक्ति’ नाम दिइएको छ । यो ताज १८ क्यारेट सुन र १ हजार ७ सय ७० वटा हिरा जडान गरेर बनाइएको हुन्छ । ताजको बीचमा ६२.८३ क्यारेट तौल भएको सेन्टरपिस स्टोन पनि जडित छ ।

प्रतिस्पर्धामा मिस पुयोर्टो रिको र मिस मेक्सिकोले क्रमशः दोस्रो तथा तेस्रो स्थान हासिल गरे ।

तुन्जीका लागि प्राकृतिक सुन्दरता पनि महत्वपूर्ण छ । उनी भन्छिन्, ‘महिलाहरुले आफू जस्तो छन् त्यसैमा खुसी हुनुपर्छ ।’

 

विजेतको रुपमा आफ्नो नाम घोषणा गरेपछि तुन्जीले आफ्नो दुबै हात जोडेर निधारमा छोइन् र मज्जाले हाँसिन् ।

त्यसपछि उनले लगाइरहेको लामो बाहुला भएको टल्किने गाउन माथिबाट मिस युनिभर्स लेखिएको सास लगाइयो । त्यसपछि लगाइयो मिस युनिभर्सको ताज ।

 

 

सम्बन्धित सामाग्री