कक्षा १२ को पूरक परीक्षाको नतिजा निर्वाचन अघि नै सार्वजनिक गर्ने तयारी

राष्ट्रिय परीक्षा बोर्डले कक्षा १२ को ग्रेड बृद्धि (पूरक परीक्षा) को नतिजा मंसिरको पहिलो सातासम्ममा प्रकाशित गर्ने तयारी गरेको छ ।

असोज ३० र ३१ गते लिइएको पूरक परीक्षाको नतिजा चुनावअघि नै सार्वजनिक गर्नेगरि तयारी गरेको बोर्डका अध्यक्ष महाश्रम शर्माले जानकारी दिए ।

‘चुनावअघि नै नतिजा प्रकाशन गर्ने तार्गेट लिएका छौ। सबै तयारी लगभग अन्तिम चरणमा छ’ अध्यक्ष शर्माले भने। १ लाख ३० हजार विद्यार्थीले पूरक परीक्षा दिएका थिए। गत जेठ १६ गतेदेखि २५ गतेसम्म लिइएको वार्षिक परीक्षाको नतिजा भदौ १७ गते सार्वजनिक गरिएको थियो।

सम्बन्धित सामाग्री