मिस वर्ल्डको हेड-टु-हेड च्यालेन्ज सुरु

मिस वर्ल्डको हेड-टु-हेड च्यालेन्ज बिहीबार रातीबाट प्रारम्भ भएको छ ।

अमेरिकी राज्य पुएर्तो रिकोमा सुरु भएको प्रतिस्पर्धाको ग्रुप-१ मा मिस नेपाल वर्ल्ड नम्रता श्रेष्ठसहितका सुन्दरीले प्रश्नोत्तरमा भाग लिएका छन् ।

मिस वर्ल्डले सार्वजनिक गरेको हेड-टु-हेडको ग्रुप–१ च्यालेन्जमा प्रश्नकर्ताले नम्रतालाई सोधेकी छिन् : तपाईंले यसअघि नै सफलता हासिल गर्नुभएको छ, अब चाहिँ के ?’

नम्रताले भनेकी छिन्, ‘अब मिस वर्ल्डको माध्यममार्फत विश्वसामु आफ्नो प्रभाव छाड्दै जीवन बाँच्न चाहन्छु ।’

अन्य प्रश्नकर्ता भन्छिन् : मिस वर्ल्ड टाइटलसहित के गर्न चाहनुहुन्छ ?’ नम्रता भन्छिन् : म जहाँ जान्छु, जुन काम गर्छु र जसलाई म भेट्छु उसको जीवनमा प्रभाव पार्ने मेरो लक्ष्य छ । मिस वर्ल्डमा भाग लिन पाउँदा निकै खुशि छु । म धेरै मानिस र जीवनसँग जोडिएकी छु र उनीहरुको जीवनमा गाँसिन चाहन्छु अनि सकारात्मक छाप छोड्न चाहन्छु ।’

१६ डिसेम्बरमा ग्राण्ड फिनाले हुँदैछ ।

सम्बन्धित सामाग्री