मतदानको ठिक १० दिन मात्र बाँकी रहदा वाम गठबन्धनका उम्मेदवारको उम्मेदवारी रद्ध

निर्वाचन आयोगले शनिबार सर्लाही क्षेत्र नम्बर ४  वाम गठबन्धनका उम्मेदवार शिवपुजन राय यादवको उम्मेदवारी खारेज गरेको छ ।  उनीविरुद्ध स्वतन्त्र उमेदवार गणेशकुमार सिंहले जिल्लामा र अनिलकुमार सिंहले निर्वाचन आयोगमा कात्तिक १९ गते उजुरी गरेका थिए । 

सर्वोच्चले यो मुद्दामा कारण देखाउ आदेश जारी गर्दै आयोगसँग लिखित जवाफ मागेको थियो ।  सर्वोच्चलाई जवाफ पठाउनुअघि नै आयोगले  शिवपुजनको उम्मेदवारी खारेज गरेको  हो । 

पहिलो संविधानसभामा तत्कालीन मधेसी जनअधिकार फोरमबाट सभासद रहेका रायलाई कूटनीतिक राहदानी दुरुपयोग गरेको अभियोगमा विशेष अदालतले दोषी ठहर गरेको थियो । त्यसविरुद्ध परेको पुनरावेदन सर्वोच्चमा अझै विचाराधीन छ ।  यादवको उम्मेदवारी खारेजसंगै उक्त क्षेत्रमा वाम गठबन्धनको उम्मेदवार नै नहुने भएको छ । अब सर्लाही-४ मा कांग्रेसबाट अमरेशकुमार सिंह र राजपाबाट राकेश मिश्र उम्मेदवार छन् । 

सम्बन्धित सामाग्री