हिमालयन बैंकका सेयरधनीलाई तीन वर्ष यताकै उच्च लाभांश
समयपोष्ट
२०७८ असोज २२ गते १३:३८
हिमालयन बैंक लिमिटेडले २६% लाभांश दिने घोषणा गरेको छ ।
बैंकको बुधबार बसेको संचालक समितिको ४१२ औँ बैठकले आर्थिक वर्ष २०७७/७८ को मुनाफाबाट आफ्ना शेयर धनीहरुलाई चुक्ता पूँजीको २१.३८% बोनस शेयर र ४.६२% नगद लाभांश गरी कुल २६% लाभांश प्रदान गर्ने घोषणा गरेको हो ।
संचालक समितिको यस निर्णयलाई नेपाल राष्ट्र बैंक र बैंकको आगामी वार्षिक साधारण सभाले स्वीकृत गरे पश्चात मात्र लागू हुनेछ ।
बैंकले घोषणा गरेको यो लाभांश विगत तीन वर्ष यता कै उच्च रहेको छ ।
प्रतिक्रिया