तीन ठाउँमा निर्वाचन गर्ने गरी उद्योग वाणिज्य महासंघले सार्वजनिक गर्यो तालिका

नेपाल उद्योग वाणिज्य महासंघले निर्वाचन तालिका सार्वजनिक गरेको छ।

महासंघले तीन ठाउँमा निर्वाचन गर्ने गरी बुधवार निर्वाचन तालिका सार्वजनिक गरेको हो ।

महासंघले महासंघको कार्यालय टेकु, कार्की व्याङकेट बबरमहल र पज्ञा प्रतिष्ठान कमलादीमा निर्वाचनका कार्यक्रमहरू गर्ने जनाएको छ ।

महासंघको ५४ औ वार्षिक साधारण सभा मङ्सिर ११ र १२ गते हुँनेछ । निर्वाचनका लागि उम्मेद्वारहरुको मनोनयन पत्र बुधवार देखिनै दाखिला गर्न सकिने छ।

दाखिला भएको मनोनयन पत्रको आधारमा उम्मेद्वारहरुको पहिलो नामावली मङ्सिर चार गते साँझ ६ बजे प्रकाशित हुने छ। उम्मेद्वारहरुका विरुद्धमा परेका दाबी विरोधको छिनोफानो पछि अन्तिम नामावली मङ्सिर ८ गते प्रकाशन हुने सूचनामा भनिएको छ।

कोभिड १९ र सरकारले तोकेको स्वास्थ्य मापदण्डलाई दृष्टिगत गर्दै भिन्दा भिन्दै ठाउँमा निर्वाचनका कार्यक्रम तय गरिएको महासंघले जनाएको छ।

सम्बन्धित सामाग्री