कंगनालाई वकिलले दिए बलात्कार गर्ने धम्की
बलिउड नायिका कंगना रनौतलाई बलात्कारको धम्की आएको छ ।
कंगनालाई एक वकिलले सोसल मिडियामा बलात्कारको धम्की दिएका हुन् । यो धम्की कंगनाको त्यो पोस्टमा आएको छ जमा उनले नवरात्रि र ब्रतको कुरा गरेकी थिइन् । यद्यपि, जब घटना गर्मायो तब वकिलले माफी मागे र आफ्नो आइडी ह्याक भएको भन्दै स्पष्टिकरण दिएका थिए ।
ओडिशाका वकिल मेहन्दी रजाले कंगनाको पोस्टमा कमेन्ट गरेका थिए जसमा उनले भनेका थिए, ‘तपार्ईंको बीच शहरमा बलात्कार हुनुपर्छ ।’
प्रयोगकर्ताको प्रतिक्रिया पछि रजाले पोस्टमा माफीनामा लेखेका छन् । रजाले लेखे, ‘आज मेरो फेसबुक आइडी ह्याक भएको थियो, जसमा केही अपमानजनक कमेन्ट पोस्ट भयो । कुनै पनि महिला वा कम्युनिटीबारे यो मेरो दृष्टिकोण होइन । म आफैंपनि अचम्ममा छु र म यसका लागि माफी माग्छु । जसको भावना आहत भएको छ उहाँहरुले मलाई माफ गरिदिनुहोस् । म साँच्चै नै यसका लागि माफी माग्छु ।’एजेन्सी
प्रतिक्रिया