होटल सोल्टीको नाफा १२६ प्रतिशतले बृद्धि,नाफा १८ करोड २९ लाख रुपैयाँ
समयपोष्ट
२०७४ साउन ३१ गते ६:१३
होटल सोल्टीले गत आर्थिक बर्ष १८ करोड २९ लाख रुपैयाँ नाफा कमाएको छ । अघिल्लो आर्थिक बर्ष होटलको नाफा आठ करोड रुपैयाँ मात्र थियो ।
गत आर्थिक बर्ष होटलले १२६ प्रतिशतले नाफा बढाएको हो ।होटलले गत आर्थिक बर्ष एक अर्ब ५७ करोड रुपैयाँ आम्दानी गरेको छ ।
यो अघिल्लो आर्थिक बर्षभन्दा ४२ करोड ४५ लाख रुपैयाँ बढी हो । होटलले गत बर्ष तलब भत्ता, सञ्चालन, भरण-पोषणको उपभोग्य बस्तु तथा अन्य गरेर ३७ करोड ८४ लाख रुपैयाँ खर्च गरेको छ।
होटलको चुक्ता पूँजी ५७ करोड ९१ लाख रुपैयाँ रहेको छ । होटलको जगेडा कोषमा ८० करोड ९० लाख रुपैयाँ रहेको छ । होटलको प्रति शेयर अंकित मूल्य १० रुपैयाँ रहेको छ ।
प्रतिक्रिया