नेपाल लाइफ इन्स्योरेन्सको खुद नाफा बढ्यो

गत आर्थिक वर्षको चौथो त्रैमाससम्ममा नेपाल लाइफ इन्स्योरेन्सले ५३ करोड ३ लाख ७९ हजार रुपैयाँ खुद नाफा कमाएको छ। यो नाफा अघिल्लो आर्थिक वर्षको सोही अवधिको तुलनामा ७१ लाख रुपैयाँ बढी हो ।

यस्तै इन्स्योरेन्सले २७ अर्ब ३४ करोड ३ लाख रुपैयाँ खुद बीमाशुल्क आर्जन गरेको छ। यो अघिल्लो आर्थिक वर्षको सोही अवधिको तुलनामा १९.७८ प्रतिशत बढी हो।

अघिल्लो आर्थिक वर्षमा इन्स्योरेन्सले २२ अर्ब ८२ करोड ५० लाख रुपैयाँ खुद बीमाशुल्क आर्जन गरेको थियो।

इन्स्योरेन्सको चुक्ता पूँजी ५ अर्ब ४९ करोड ६१ लाख रुपैयाँ रहेको छ। यस इन्स्योरेन्सको जगेडा कोषमा ३ अर्ब ५० करोड ७७ लाख रुपैयाँ रहेको छ। जीवन बीमा कोषमा ८७ अर्ब २ करोड र महाविपत्ती कोषमा ५५करोड ४९ लाख रुपैयाँ सञ्चित छ रहेको छ। अघिल्लो आर्थिक वर्षमा इन्स्योरेन्सको यस्ता कोषहरुमा क्रमशः २ अर्ब ४३ करोड, ६५ अर्ब ३६ करोड र ४३ करोड रुपैयाँ थियो।

अघिल्लो आर्थिक वर्षमा ११ अर्ब ८८ करोड रुपैयाँ बीमालेख धितोमा कर्जा लगानी गरी १ अर्ब ८ करोड रुपैयाँ कमाएको यस इन्स्योरेन्सले गत आर्थिक वर्षमा १७ अर्ब ७ करोड यस्तो कर्जा लगानी गरी १ अर्ब ५८ करोड रुपैयाँ कमाएको छ। सो अवधिसम्ममा इन्स्योरेन्सको खुद दाबी भुक्तानी ५ अर्ब ९७ करोड रुपैयाँ पुगेको छ।

हालसम्ममा १ खर्ब १९ अर्ब रुपैयाँ कुल बीमाशुल्क आर्जन गरेको यस इन्स्योरेन्सले गत आर्थिक वर्षमा २७ अर्ब ६२ करोड रुपैयाँ कुल बीमाशुल्क आर्जन गरेको थियो। असार मसान्तसम्ममा इन्स्योरेन्समा १३ लाख ४ हजारभन्दा बढी बीमालेखहरु कायम छन्। सो अवधिसम्ममा ४० हजार २४३ दाबी बापत ६ अर्ब ६७ करोड रुपैयाँ भुक्तानी गरीसकेको यस इन्स्योरेन्सले अझै १ अर्ब ६१ करोड रुपैयाँ दाबी भुक्तानी गर्न बाँकी छ।

इन्स्योरेन्सको प्रतिशेयर आम्दानी ९.६५ रुपैयाँ कायम भएको छ भने प्रतिशेयर नेटवर्थ १७३ रुपैयाँ ९२ पैसा कायम भएको छ। त्यसैगरी, इन्स्योरेन्सको मूल्य आम्दानी अनुपात १३०.५७ गुणा रहेको छ।

सम्बन्धित सामाग्री