भारतको ७३ औं स्वतन्त्रता दिवसको अवसरमा सांगीतिक कार्यक्रमको आयोजना (फोटो फिचर)
भारतको ७३ औं स्वतन्त्रता दिवसको उपलक्ष्यमा काठमाडौँ स्थित भारतीय राजदूतावासले विश्व विख्यात बाँसुरीवादक पण्डित हरिप्रसाद चौरसियाको सांगीतिक कार्यक्रमको आयोजना गरेको छ ।
उप प्रधानमन्त्री एवं स्वास्थ्य तथा जनसंख्यामन्त्री उपेन्द्र यादव तथा परराष्ट्रमन्त्री प्रदीपकुमार ज्ञवालीको विशेष आतिथ्यतामा दूताबासले बिहिवार भद्रकाली स्थित सैनिक सभामण्डवमा उक्त कार्यक्रम आयोजना गरेको हो ।
राजनीतिज्ञ, कलाकार, संगीतकार, साहित्यकार, संचारकर्मी तथा विद्यार्थी लगायत विभिन्न क्षेत्रका झण्डै ७०० भन्दा बढी व्यक्तिहरुको सो कार्यक्रमा उपस्थिति थियो । कार्यक्रममा पण्डित हरिप्रसाद चौरसियाका साथमा विवेक सोनार (बाँसुरी), देबोप्रिया रणदिवे (बाँसुरी), अमृता उप्रेती (तानपुरा) तथा शुभांकर बेनर्जी (तबला) थिए ।
पण्डित हरिप्रसाद चौरसिया सांगीतिक क्षेत्रका विश्व प्रख्यात व्यक्तित्व हुन् र उनको सांगीतिक समूहले सांगीतिक प्रस्तुतिलाई साँच्चै नै अविस्मरणीय बनाएको थियो । उनले आफ्नो कुदरती आधुनिक तथा शास्त्रीय बाँसुरी बादनद्वारा समस्त दर्शकलाई मन्त्रमुग्ध बनाएका थिए । ‘उनको यो प्रस्तुतिलाई काठमाडौँले लामो समयसम्म सम्झी रहनेछ, दूताबासद्धारा जारी बिज्ञप्ती उल्लेख छ ।
प्रतिक्रिया