एनसेलले ‘दोब्बर सापटी योजना’ सार्वजनिक गर्दै
समयपोष्ट
२०७४ साउन १५ गते ७:०६
एनसेल सापटी ५ वर्ष पुगेको अवसरमा एनसेलले 'दोब्बर सापटी योजना' सार्वजनिक गर्दैछ । साउन १६ गते सोमबारबाट लागु हुँने यस योजनामा एनसेलबाट सापटी लिदा रकम दोब्बर भएर आउँनेछ । यस योजनामा ग्राहकहरुले कम्तीमा पाँच रुपैयाँ र बढीमा तिस रुपैयाँसम्म सापटी लिन सक्ने एनसेलले जनाएको छ ।
सापटी रकम ग्राहकको मुख्य ब्यालेन्समा जोडिने छ । प्राप्त रकमबाट ग्राहकले कुनै पनि नेटर्वकमा कल गर्न, एसएमएस पठाउन, इन्टरनेट चलाउन तथा एनसेलको अन्य सेवाप्रयोग गर्न सक्नेछन् ।
यो सेवा सुचारु गर्न ग्राहकहरुले * ९९८८ # डायल गरि प्राप्त निर्देशन अनुसार सेवा सुचारु गर्नसक्नेछन् । सापटी लिइएको रकम ग्राहकले रिचार्ज गरेपछि मेन ब्यालेन्सबाट घटाइने एनसेलले जनाएको छ ।
प्रतिक्रिया