सनराइजको हकप्रद भर्नुभयो ? आज अन्तिम दिन
सनराइज बैंकले जारी गरेको हकप्रद सेयरमा आवेदन दिने आज अन्तिम मिति हो । बैंकले १ करोड ६३ लाख ५९ हजार ६ सय ३६ कित्ता हकप्रद सेयर गत जेठ १६ देखि निष्काशन गरेको थियो ।
बैशाख २८ गते सम्म बैंकको सेयरमा स्वामित्व कायम गरेका सेयरधनीले असार १९ गतेसम्म प्रभु क्यापिटल लिमिटेड कमलादी तथा सनराइज बैंकको सम्पुर्ण शाखा कार्यालयहरुबाट हकप्रद भर्न सक्नेछन् ।
सनराईज बैंकले हकप्रद निष्काशन तथा बिक्री प्रबन्धक प्रभु क्यापिटललाई तोकेको छ ।
चुक्ता पूँजी पाँच अर्ब ४५ करोड ३२ लाख रुपैंया रहेको बैंकको ३० प्रतिशत हकप्रद बिक्री पश्चात चुक्ता पूँजी सात अर्ब नौ करोड रुपैंया नाघ्नेछ ।
सनराईज बैंकले चालु आर्थिक बर्षको तेस्रो त्रैमासमा गत बर्षको यसै अवधिको तुलनामा ४८ प्रतिशत बढी ८६ करोड ५२ लाख रुपैयाँ खुद नाफा कमाएर प्रतिसेयर आम्दानी २०.९८ रुपैयाँ कायम गरेको छ ।
प्रतिक्रिया