रसुवा पहिरोमा परि ज्यान गुमाउने चारै जनाको पहिचान खुल्यो
समयपोष्ट
२०७५ साउन १० गते ५:२१
रसुवाको टिमुरेमा पहिरोमा परेर ज्यान गुमाउनेको सनाखत भएको छ । बुधबार राती १२ बजेतिर गएको पहिरोले घर पुर्दा सिन्धुपाल्चोक भोटेकोशीका श्याम तामाङ, मंगले तामाङ, विक्रम नेवार र रमेश खड्काको ज्यान गएको जिल्ला प्रशासन कार्यालय रसुवाले जनाएको छ ।
पहिरोमा हराइरहेका ५ जनाको खोजी कार्य भैरहेको छ । उद्धारका लागि नेपाली सेना, सशस्त्र प्रहरी र नेपाल प्रहरी खटिएको तर पानी परिरहेको र पहिरोका कारण उद्धारमा समस्या भएको जिल्ला प्रशासन कार्यालय रसुवाले जनाएको छ । पहिरोले प्रहरी पोष्ट र केही घरमा क्षति पुर्याएको छ ।
प्रतिक्रिया