एनआईबिएल एस क्यापिटल “एभरेष्ट बैंक लिमिटेड ऋणपत्र, २०८६” को बिक्री प्रबन्धक नियुक्त
एभरेष्ट बैंक लिमिटेडले “एभरेष्ट बैंक लिमिटेड ऋणपत्र, २०८६” ऋणपत्र जारी गर्न एनआईबिएल एस क्यापिटल लिमिटेडलाई बिक्री प्रबन्धकको रुपमा नियुक्त गरेको छ ।
उक्त सम्झौतामा मंगलबार एभरेस्ट बैंक लिमिटेडको तर्फबाट कम्पनी सचिव सुरेश चापाँगाई र एनआईबिएल एस क्यापिटल लिमिटेडको तर्फबाट नायब प्रमुख कार्यकारी अधिकृत मेख बहादुर थापा र सहायक महाप्रबन्धक सचिन्द्र ढुङ्गानाले
हस्ताक्षर गरेका छन् । बैंकले रु.१,००० अंकित दरको २०,००,००० कित्ताले हुन आउने रु.२००,००,००,०००÷–(अक्षेरुपी दुई अर्ब) रकम बराबरको “एभरेष्ट बैंक लिमिटेड ऋणपत्र, २०८६” ऋणपत्र जारी गर्दैै छ ।
उक्त ऋणपत्रको अवधि ८ वर्ष रहेको र ब्याजदर वार्षिक ८.५ प्रतिशत रहेको छ ।
काठमाण्डौें, लाजिम्पाट स्थित रजिष्टर्ड कार्यालय रहेको एभरेष्ट बैंक लिमिटेड प्रचलित कम्पनी कानून बमोजिम मिति २०४९/०८/०१ मा नेपाल सरकार, वाणिज्य विभागमा पब्लिक लिमिटेडको रुपमा दर्ता भएको कम्पनी हो । साथै, मिति २०५१/०६/११ मा नेपाल राष्ट्र बैंकबाट वित्तीय कारोवार गर्न स्वीकृति प्राप्त गरी कम्पनीले मिति २०५१/०७/०१ गतेदेखि आफ्नो वित्तीय कारोवार सञ्चालन गर्दै आफ्ना ग्राहकहरुलाई उत्कृष्ट सेवा उपलब्ध गराउँदै आइरहेको छ । हाल यस बैंकले आफ्नो १०३ वटा शाखा कार्यालयहरु र ३ वटा एक्सटेन्शन काउन्टर मार्फत आफ्नो सेवा प्रदान गरिरहेको छ ।
प्रतिक्रिया