शुक्रबार, १६ चैत २०८०

गोरखपुरमा ‘द अनब्रेकेबल: अगस्त्य’

समयपोष्ट २०८० जेठ २४ गते १४:१०

Advertisement

नेपाली चलचित्रसमेत दुई भागमा बन्ने भएको छ ।

बलिउड र हलिउडले यस्तो शैलीमा बनाएका चलचित्रले सफलता पाएपछि नेपालमा सौरभ चौधरीको निर्देशनमा बन्न लागेको चलचित्र ‘द अनब्रेकेबल : अगस्त्य’ को दुई भागमा तयार हुने गरी छायाङ्कन सुरु भएको छ । भारतको गोखरपुर मन्दिरमा पूजा गरी सुरु गरिएको छायाङ्कनको तालिका २० दिनको रहेको निर्देशक चौधरीले जानकारी दिनुभयो ।

उहाँले भन्नुभयो, “हिन्दू धर्मका सप्तऋषिमध्येका अगस्त्य ऋषिका नामबाट जुराइएको शीर्षकमै रहेर कथालाई तयार गरेको छु, दुई भागमा तयार गर्ने योजनासहित सुरु गरेका हौँ ।” निर्देशक चौधरीले कथा लेखनकै क्रममा एक भागमा नसकिने भएपछि दुई भागलाई नै तयार गरिने योजना बनेको जानकारी दिनुभयो । यद्यपि अहिले दोस्रो भागको केही दृश्यमात्र खिच्ने उहाँको योजना छ ।

निर्देशक चौधरीले भन्नुभयो, “दुई भागमा मात्र कथा सकिने छ, भारतको गोरखपुर र बनारसमा छायाङ्कन सकिएपछि नेपालका काठमाडौँ र नवलपरासीमा बाँकी छायाङ्कन हुने तालिका निर्धारण गरिएको छ ।” चलचित्रमा अभिनेता सौगात मल्ल, मलिका महत, प्रमोद अग्रहरि, रवीन्द्र झा, विजय बराल लगायतका कलाकारले अभिनय गरिरहनुभएको छ ।

प्रतिक्रिया

सम्बन्धित सामाग्री