ललितपुरको नख्खु दोबाटोमा कामना सेवा विकास बैंकको १२५औं शाखा

कामना सेवा विकास बैंक लिमिटेडले ललितपुर जिल्लाको ललितपुर महानगरपालिका वडा नं. १३ स्थित नख्खु दोबाटोमा १२५औ शाखा कार्यालय स्थापना गरी कारोबार शुभारम्भ गरेको छ ।

आइतबार बैंकका अध्यक्ष सुदिप आचार्यले भिडियो कन्फरेन्स मार्फत शाखाको उद्घाटन गर्नुभएको हो । उद्द्धाटन कार्यक्रममा बैंकका सञ्चालकज्यूहरुको भच्र्युवल उपस्थिति रहेको थियो । सोही अवसरमा बैंकका प्रमुख कार्यकारी अधिकृत प्रविण बस्नेतले बैंकको वर्तमान अवस्था र भावी कार्ययोजना तथा रणनीतिका बारेमा प्रकाश पार्नुभएको थियो । बैंकले व्यवसाय विस्तारको क्रममा समय सापेक्ष थप नवीनतम् प्रोडक्टहरु तथा वृहत शाखा सञ्जाल मार्फत आफ्ना ग्राहकहरुलाई उच्च स्तरको बैंकिङ्ग सेवा सुविधाहरु उपलब्ध गराउँदै जाने समेत जानकारी दिइएको छ ।

यससंगै अब बैंकले १२५ शाखा, १ विस्तारीत काउन्टर तथा ६६ वटा एटिएम मार्फत ग्राहक महानुभावहरुलाई निरन्तर सेवा प्रदान गर्नेछ । बैंकले हालको विषम परिस्थितिमा समेतसोसल मिडिया बैकिंग,इन्टर्नेट बैंकिंग,मोवाइल बैंकिंग,एसएमएस बैंकिंग जस्ता डिजिटलमाध्यमबाट ग्राहकहरुलाई सहज र उत्कृष्ट सेवा प्रदान गर्दै आएको छ ।

सम्बन्धित सामाग्री