विश्व बैंकले भन्योः जलविद्युतमा अन्तराष्ट्रिय लगानी भित्रयाउन सके नेपालको आर्थिक वृद्धिदर तीव्र गतिमा बढछ्
विश्व बैंकले विगत ४५ वर्षयता नेपालको आर्थिक वृद्धिदर मध्यमस्तरको रहेको अध्यययन प्रतिवेदन सार्वजनिक गरेको छ।
मंगलबार काठमाडौंमा सार्वजनिक गरिएको प्रतिवेदनमा लगानी मैंत्री ऐन/कानुनको अभावमा नेपालका आर्थिक वृद्धिदर तीव्र गतिमा अघि बढन नसकेको निष्कर्ष निकालिएको छ ।
विश्व बैंकले उत्पादनमूलक क्षेत्रको अवस्था राम्रो हुन नसकेका कारण पनि नेपालको आर्थिक वृद्धिदर उन्नतस्तरमा जान नसकेको स्पष्ट पारेको छ ।
प्रतिवेदनमा नेपालले गरिवी निवारणको क्षेत्रमा भने सफलता हात परेको उल्लेख गरिएको छ । सशष्त्र द्धन्द्धका कारण धेरै मानिसहरुको बसाई सराई सहरी क्षेत्रमा भएकाले करको दायरा बढन गएको र राजस्वमा वृद्धि हुन गएको पनि बैंकले जनाएको छ ।
विश्व बैंकका वरिष्ठ अर्थविद् डामिर कोसिकले नेपालले रोजगारीको अवसर सृजना गर्ने काममा भने विशेष ध्यान दिनुपर्नेमा जोड दिए । बैंकले युवाहरुलाई रोजगार दिन युवा प्रशिक्षण कार्यक्रममा ध्यान दिन पनि नेपाल सरकारलाई सुझाव दिएको छ । विश्व बैंकले नेपालको जलविद्युत क्षेत्रमा अन्तराष्ट्रिय लगानी भित्रयाउन सके आर्थिक वृद्धिदर तीव्र गतिमा अघि बढने विश्वास पनि व्यक्त गरेको छ ।
प्रतिक्रिया