एक वर्षदेखि बालिकालाई प्रलोभनमा पारी बलात्कार

Advertisement

बालिकालाई जबर्जस्ती करणी गरेको आरोपमा झापाको गौरीगञ्जबाट शनिबार एक जना पक्राउ परेका छन् । गौरीगञ्ज–१ महाभाराकी अन्दाजी १४ वर्षीया बालिकामाथि जबर्जस्ती करणी गरेको आरोपमा स्थानीयवासी अन्दाजी ४५ वर्षीय श्रीप्रसाद झालाई प्रहरीले पक्राउ गरेको प्रहरी चौकी कुन्जीबारीका इन्चार्ज दीपक कँडेलले जानकारी दिनुभयो । पीडित बालिकाले घरमा जानकारी गराएपछि अभिभावकले इलाका प्रहरी कार्यलय झिलझिलेमा किटानी जाहेरी दिएको आधारमा झालाई घरबाट पक्राउ गरिएको उहाँले बताउनुभयो ।

पीडित बालिकाको स्वास्थ्य परीक्षण गराइएको छ । पक्राउ परेका झाले करिब एक वर्षयता विभिन्न प्रलोभनमा पारेर ती बालिकामाथि शोषण गर्दै आएको पीडितको जाहेरीमा उल्लेख छ । घटनाबारे प्रहरीले अनुसन्धान शुरु गरेको इलाका प्रहरी कार्यालय झिलझिलेका इन्चार्ज प्रहरी निरीक्षक कोमल ठाकुरले जानकारी दिनुभयो ।

सम्बन्धित सामाग्री

अर्घाखाँचीमा एक सय तीन घरगोठ जले

पूर्वमन्त्री मोहम्मद अफताव आलमलाई जन्मकैद

काउन्सिलद्वारा भूकम्प प्रभावित सञ्चारकर्मीलाई सहयोग

उपनिर्वाचनको सुरक्षा व्यवस्थापन पूरा

आगलागी पीडितलाई पालिकाको राहत

केन्यामा बाढी, ३८ जनाको मृत्यु