‘सिन्डिकेट अन्त्यको निर्णयबाट सरकार कुनै पनि अवस्थामा पछि हटदैन’

भौतिक पूर्वाधार तथा यातायातमन्त्री रघुवीर महासेठले बाँके जिल्लाको समग्र विकाससँगै यस क्षेत्रका सडक तथा अन्य विकास निर्माणको कार्यले तीव्रता पाउने बताउनुभएको छ ।

Advertisement

नेकपा एमाले बाँकेद्वारा आज यहाँ आयोजित कार्यकर्ता भेटघाटमा मन्त्री महासेठले यातायातको क्षेत्रमा सिन्डिकेट अन्त्यका लागि गरिएको निर्णयबाट सरकार कुनै पनि अवस्थामा पछि नहट्ने जिकिर गर्दै भन्नुभयो, “सिन्डिकेट अन्त्यपछि अब कार्ययोजना बनाएर यातायात सुधारका लागि मन्त्रालय अघि बढछ ।”

उहाँले वर्तमान सरकारको सपना तथा योजना पूरा गर्नका लागि सबैको सहयोगको आवश्यकता रहेको औँल्याउनुभयो ।

त्यस अवसरमा नेकपा एमाले बाँके जिल्लाका अध्यक्ष अशोक कोइरालाले बाँकेवासीका तर्फबाट जिल्लामा राप्ती नदी र मानखोलाको कटान नियन्त्रण, हुलाकी सडक निर्माणमा सक्रियता, राप्तीपारि क्षेत्रमा सडक र विद्युतीकरणसहित जिल्लामा सडक निर्माणको विषयमा ध्यानाकर्षण गराउँदै छिटोभन्दा छिटो कार्य सम्पन्नका लागि माग गर्नुभएको थियो । रासस

सम्बन्धित सामाग्री

प्रधानमन्त्री ओलीको स्पेन भ्रमण स्वीकृत, यी हुन् मन्त्रिपरिषद् बैठकका १९ निर्णय

टेलिभिजन प्रत्यक्ष प्रसारण जारी रहेकै समयमा इजरायली आक्रमण (भिडियोसहित)

संसदमा रास्वपाको नाराबाजी, राप्रपाद्वारा बहिस्कार

सप्तरीमा डाँका समूहद्वारा घर लुटपाट, एकको हत्या

पूर्वप्रधानमन्त्री माधव नेपालविरुद्ध भ्रष्टाचार मुद्दा दर्ता, साढे १८ करोडबढी बिगो दाबी

नेप्से परिसूचकमा दोहोरो अङ्कको गिरावट