एकताको सन्देश दिन आयोजना गरिएको संयुक्त सभामा बोर्ड लफडा

नेपाल कम्युनिष्ट पार्टीको स्थापना दिवसको पारेर एमाले र माओवादी केन्द्रले आयोजना गरेको संयुक्त कार्यक्रम तोकिएको समयमा सुरु हुँन सकेन । राष्ट्रिय सभा गृहमा दिउँसो १ बजेदेखि कार्यक्रम सुरू हुने भनिए पनि कार्यक्रमको बोर्डमा कम्युनिष्ट नेता लेनिनसहित अरू विश्व कम्युनिष्ट नेताको तस्बिर नराखिएको भन्दै माओवादी केन्द्रका कार्यकर्ताले विरोध जनाएपछि कार्यक्रम निर्धारित समयमा शुरु हुँन नसकेको हो ।

Advertisement

लेनिन दिवसको अवसरमा आयोजित कार्यक्रमको बोर्डमा लेनिनकै तस्वीर थिएन । कम्युनिष्ट पार्टीका संस्थापक पुष्पलाल श्रेष्ठ र एमाले नेताद्वय मनमोहन अधिकारी र मदन भण्डारीको मात्र तस्वीर थियो । साथै केपी ओली र प्रचण्डका ठूला तस्वीर थिए । लेनिन जयन्तीको कार्यक्रममा लेनिनकै तस्वीर नदेखिएपछि हलमा उपस्थित माओवादी केन्द्रका कार्यकर्ताले नाराबाजी गरे ।

कार्यकर्ताको लगातारको नाराबाजीपछि आयोजकले उक्त बोर्ड हटाएको छ । माओवादी कार्यकर्ताले माओको तस्वीर नराखेकोमा पनि विरोध जनाएका थिए । माओवादीले आफ्नो कार्यक्रममा कार्ल मार्क्स, ए‌ंगेल्स, लेनिन, स्टालिन र माओको तस्वीर राख्ने गरेको छ ।

यसअघि नेपाल कम्युनिष्ट पार्टी स्थापना दिवसको अवसर पारेर आज दुई पार्टी एकता घोषणा गर्ने बताइएको थियो । तयारी नपुगेकाले आजको एकता टरे पनि एकताको सन्देश दिन भन्दै दुई दलले संयुक्त सभा आयोजना गरेका थिए ।

सम्बन्धित सामाग्री

सप्तरीमा डाँका समूहद्वारा घर लुटपाट, एकको हत्या

पूर्वप्रधानमन्त्री माधव नेपालविरुद्ध भ्रष्टाचार मुद्दा दर्ता, साढे १८ करोडबढी बिगो दाबी

नेप्से परिसूचकमा दोहोरो अङ्कको गिरावट

राजविराज बसपार्क ३८ वर्षपछि सञ्चालनमा

सङ्घीय संसद्मा बजेट प्रस्तुत

प्रतिनिधिसभामा १६५ जना सदस्य भए पुग्छ : रमेश रिजाल