चालक अनुमति पत्र बनाइदिने भन्दै घुस लिने ट्राफिक प्रहरीविरुद्ध आरोपपत्र

अख्तियार दुरुपयोग अनुसन्धान आयोगले सवारी चालक अनुमति पत्र बनाइदिने भन्दै घुस रकम लिनेविरुद्ध आरोप पत्र दायर गरेको छ ।

Advertisement

जिल्ला ट्राफिक प्रहरी कार्यालय लमजुङमा कार्यरत प्रहरी जवान मोतिकुमार श्रेष्ठले चालक अनुमतिपत्र बनाइदिने प्रयोजनका लागि रु ७० हजार घुस लिएको अवस्थामा आयोगले निजलाई नियन्त्रणमा लिएको जनाएको छ ।

आयोगको टोलीले प्रहरी जवान श्रेष्ठलाई घुससहित र सोही विषयसँग सम्बन्धित बाग्लुङका मुस्तकिम मियाँ र सलामद्दिन मियाँलाई समेत नियन्त्रणमा लिई अनुसन्धान गर्दा उनीहरुले कसुर गरेको ठहरिएको जनाएको छ ।

आयोगले उनीहरुलाई भ्रष्टाचार निवारण ऐन, २०५९ बमोजिम जरिवाना र कैद सजाय माग दाबी गरी आज विशेष अदालतमा आरोपपत्र दायर गरेको आयोगका सहसचिव एवं प्रवक्ता दीर्घराज मैनालीले जानकारी दिनुभयो । रासस

सम्बन्धित सामाग्री

सप्तरीमा डाँका समूहद्वारा घर लुटपाट, एकको हत्या

पूर्वप्रधानमन्त्री माधव नेपालविरुद्ध भ्रष्टाचार मुद्दा दर्ता, साढे १८ करोडबढी बिगो दाबी

नेप्से परिसूचकमा दोहोरो अङ्कको गिरावट

राजविराज बसपार्क ३८ वर्षपछि सञ्चालनमा

सङ्घीय संसद्मा बजेट प्रस्तुत

प्रतिनिधिसभामा १६५ जना सदस्य भए पुग्छ : रमेश रिजाल