थप २५ सय ५९ जनामा कोरोना भाइरसको संक्रमण पुष्टि
समयपोष्ट
२०७८ वैशाख १० गते १७:५८
पछिल्लो २४ घण्टामा थप २५ सय ५९ जनामा कोरोनाभाइरसको संक्रमण पुष्टि भएको छ ।
यससँगै नेपालमा कूल संक्रमितको संख्या २ लाख ९४ हजार ६०१ पुगेको छ ।
कूल ९ हजार ६६४ जनाको परीक्षण गर्दा पीसीआर विधिबाट २४४९ तथा एन्टिजेन विधिबाट ११० जनामा संक्रमण पुष्टि भएको हो । नेपालमा सक्रिय संक्रमितको संख्या १४ हजार ७२४ रहेको छ । यसमध्ये ५२ जना आईसीयूमा १७० तथा ५९ जना भेन्टिलेटरमा रहेका छन् ।
स्वास्थ्य तथा जनसंख्या मन्त्रालयका अनुसार यही अवधिमा थप ४१० जना निको भएका छन् । नेपालमा हालसम्म २ लाख ७६ हजार ७५५ जना निको भएका छन् ।
प्रतिक्रिया