पूजा बेदीले सेयर गरिन् कण्डम विज्ञापनको फोटोसुट

बलिउड नायिका पूजा बेदीले ३० वर्षपछि इन्स्टाग्राममा एउटा पुरानो तस्विर सेयर गरेकी छिन् ।

पूजाले सन् १९९१ मा कण्डमको विज्ञापन गरेकी थिइन् जुन निकै विवादमा रह्यो । अब ३० वर्षपछि पूजाले यी तस्बिर पुनः साझा गरेकी छिन् र यी तस्बिरलाई कमालको तस्बिर बताएकी छिन् ।

यी तस्बिरमा पूजासँग मार्क रोबिनसन देखिएका छन् । यी तस्बिर सेयर गर्दै उनले लेखेकी छिन्, ‘भगवान ! सन् १९९१ मा कामसूत्र कण्डमका लागि प्रबुद्ध गुप्ताद्वारा मेरो सुटमा केही कमालका तस्बिर खिचिएको थियो ।’ आफ्नो पोस्टमा पूजा बेदीले गौतम सिंघानियालाई पनि ट्याग गरेकी छिन् ।

पूजा र मार्कले यो विज्ञापन एउटा कण्डम कम्पनीका लागि गरेका थिए । सन् १९९१ मा यसलाई निकै बोल्ड मान्दै दूरदर्शनमा प्रतिबन्ध गरिएको थियो । पूजाको यो तस्बिर सोसल मिडियामा पुनः एकपटक चर्चाको विषय बनेको छ । केही सोसल मिडिया प्रयोगकर्ताले पूजा बेदीको निकै तारिफ गरिरहेका छन् भने केही सोसल मिडिया प्रयोगकर्तालाई यो तस्बिर फिटिक्कै मन परेको छैन ।

सम्बन्धित सामाग्री

चलचित्र पर्यटनको गन्तव्य विकास गर्नेतर्फ ध्यान केन्द्रित गरौँ : राष्ट्रपति पौडेल

क्याप्टेन थापाको जीवनीमा चलचित्र ‘क्याप्टेन साब’ निर्माण हुँदै

गायिका चौहान ‘साइबर ब्युरो’ गएपछि….

‘सलाम इच्छुक’ गीतको छायांकन सम्पन्न : कृष्ण सेन ‘इच्छुक’प्रति समर्पित सृजना

‘हराएको कुकुर’ शनिबारदेखि मण्डला थियटरमा

गायिका चौहानलाई गालीगलौज गरेको आरोपमा एक जना पक्राउ