पत्रकार महासंघ ललितपुरद्धारा अक्षय कोष र पुरस्कार स्थपाना

नेपाल पत्रकार महासंघ ललितपुर शाखाले पत्रकार अक्षयकोष र पुरस्कार स्थापना गरेको छ । 
महासंघ ललितपुरको आज बसेको बैठकले पत्रकारहरुको स्वास्थ्य उपचारका सहयोग गर्ने उद्येश्यले १ लाख रुपैयाको  पत्रकार अक्षय कोष स्थापना गरेको हो ।  
कोषमा हरेक बर्ष रकम थप गर्दै १० लाख पुर्याउने लक्ष्य रहेको शाखा अध्यक्ष लेखनाथ न्यौपानेले जानकारी दिए । उनका अनुसार सो रकमको ब्याजबाट बिरामी पत्रकारहरुलाई सहयोग गरिने छ । ‘श्रमजीवी पत्रकारहरु बिरामी पर्दा जिल्ला शाखाबाट पनि केही सहयोग गर्ने उदेश्यले यो कोष स्थापना गरिएको हो ’ उनले भने ‘अक्षय कोषको रकम मुद्धती खातामा राखिने छ, त्यसको ब्याजबाट बिरामी पत्रकारलाई सहयोग गरिने छ ।’
शाखाको बैठकले ‘ललितपुर पत्रकारिता पुरस्कार’ स्थापना गर्ने पनि निर्णय गरेको छ । पत्रकार महासंघ ललितपुरमा सस्थागत योगदान पुर्याउने पत्रकारलाई पुरस्कृत गर्न १५ हजार रुपैयाको पुरस्कार स्थापना गरिएको अध्यक्ष न्यौपानेले जानकारी दिए । पुरस्कार जिल्लाको हरेक अधिवेशनमा बितरण गरिने छ । 
 

Advertisement

सम्बन्धित सामाग्री

भारतद्वारा दार्चुलामा उच्च प्रभाव सामुदायिक विकास परियोजनाको शिलान्यास

आगो निभाउने क्रममा जलेर स्याङ्जामा एक महिलाको मृत्यु

कोशी प्रदेशः सङ्कल्प प्रस्ताव बहुमतले पारित

यसरी राख्नुहोस् कलेजो स्वस्थ्य

प्रधानमन्त्रीसमक्ष माडीवासीको गुनासो, ‘तपाईंले चितवन छाडेपछि हाम्रो बिचल्ली भयो’

अस्ट्रेलियामा पुरुष हिंसाको सङ्कट