अम्बानीको छोरोको इन्गेजमेण्टमा दीपिकाको साडीको चर्चा
मुकेश अम्बानीका कान्छो छोरा अनन्त अम्बानीले १९ जनवरीमा राधिका मर्चेन्टसँग इन्गेजमेन्ट गरे ।
समारोहमा धेरै बलिउड सेलिब्रेटीहरू उपस्थित थिए, तर दीपिका पादुकोण र उनको रातो साडी सबैभन्दा बढी आकर्षणको केन्द्र बन्यो ।
यो साडीको मूल्य करिब डेढ लाख भारु रहेको बताइएको छ । रेशमबाट बनेको यो साडीलाई तौरानी साडी भनिन्छ । यो साडी सेलिब्रेटी डिजाइनर शालिना नाथानीले डिजाइन गरेकी हुन् ।
सामाजिक सञ्जाल प्रयोगकर्ताहरूले दीपिकाको लुकको निकै तारिफ गरिरहेका छन् । दीपिकाले यसअघि आफ्नो विवाहमा सब्यसाचीले डिजाइन गरेको रातो साडी लगाएकी थिइन् ।
अम्बानीको घर एन्टिलियामा भएको उक्त समारोहमा धेरै बलिउड अभिनेत्री पुगेका थिए तर दीपिका आफ्नो परम्परागत पहिरनमा सबैभन्दा सुन्दर देखिएकी थिइन् । उनी पति तथा अभिनेता रणवीर सिंहसँग पार्टीमा पुगेकी थिइन् । रणवीर पनि निकै सुन्दर देखिएका थिए ।
दीपिकाको लुकको सामाजिक सञ्जालमा निकै तारिफ भइरहेको छ । सामाजिक सञ्जाल प्रयोगकर्ताहरूले दीपिकालाई कुन पहिरन कहिले लगाउने भन्ने राम्रोसँग थाहा भएको बताएका छन् । एक प्रयोगकर्ताले लेखे- ‘दीपिका एकदमै उत्कृष्ट र सुन्दर देखिन्छिन्, उनलाई थाहा छ कुन अवसरमा कुन पोशाक लगाउने हो।’
प्रतिक्रिया