आइतबार, १५ जेठ २०७९

सुदूरपश्चिम : थप ६१४ जनामा सङ्क्रमण

समयपोष्ट २०७८ माघ १२ गते २०:२५

Advertisement

सुदूरपश्चिम प्रदेशमा आज थप ६१४ जनामा कोरोना सङ्क्रमण देखिएको छ । गएको २४ घण्टामा प्रदेशभर पीसीआर र एन्टिजेन विधिबाट एक हजार ८५० जनाको नमूना परीक्षण गर्दा ६१४ जनामा सङ्क्रमण पुष्टि भएको स्वास्थ्य निर्देशनालयले जनाएको छ ।

पीसीआरमार्फत २४९ र एन्टीजेनमार्फत ३६५ जनामा पुष्टि भएको हो । यस्तै गएको २४ घण्टामा प्रदेशभर १०९ जना निको भएका छन् । उक्त अवधिमा यस प्रदेशमा सङ्क्रमणका कारण एक जनाको पनि मृत्यु भएको छैन ।

यसअघि मङ्गलबार यस प्रदेशमा ६५२ जनामा सङ्क्रमण पुष्टि हुँदा १३३ जना निको भएका थिए । सुदूरपश्चिममा सङ्क्रमणका कारण हालसम्म ६१८ जनाको ज्यान गइसकेको छ । सङ्क्रमणको जोखिम बढेपछि भारतसँग सीमा जोडिएको यस प्रदेशका विभिन्न नाकामा कोरोना परीक्षणको काम जारी रहेको छ । यसका साथै खोप लगाउने कार्यक्रम पनि तीव्र पारिएको छ ।

प्रतिक्रिया

सम्बन्धित सामाग्री