जो बाइडेनले ४६औं अमेरिकी राष्ट्रपतिको रुपमा लिए शपथ
समयपोष्ट
२०७७ माघ ८ गते ८:०५
अमेरिकी राष्ट्रपति जो बाइडेनले ४६औं अमेरिकी राष्ट्रपतिको रुपमा शपथ लिएका छन् ।
बाइडेनले उच्च सुरक्षा व्यवस्थासहित बुधबार क्यापिटल हिलमा शपथ ग्रहण गरेका हुन् ।
सर्वोच्च अदालतका प्रधानन्यायाधीश जोन रोबर्ट्सबाट विशेष कार्यक्रमसहित उनले शपथ लिए । यसैगरी उपराष्ट्रपतिको रुपमा कमला ह्यारिसले पनि शपथ लिएकी छन् ।
समारोहमा लेडी गागा र जेनिफर लोपेजको विशेष सांगीतिक कार्यक्रम थियो । बुधबार राति सपथ लिनुअघि बाइडेनले मन्तब्य दिने क्रममा भावुक बनेका थिए । शपथ ग्रहण समारोहमा राष्ट्रिय गानसँगै सम्मानमा सलामी दिइएको थियो ।
अमेरिकामा गत नोभेम्बर ३ मा सुरु भएको निर्वाचनको परिणाम अनुसार डेमोक्रयाट्सका जो बाइडेन निर्वाचित भएका थिए ।
प्रतिक्रिया